أحلام سعيده

القلب ينطـق دُم دُم دُم

والعشق طالع من قمقم

ليكى الحياه إللى بترسم

أحلام سعيده وعجبـانى

 

أحلام سعــيده وبتصــــوّر

عُمرى إللى فات كله إتغير

عُمرى إللى جاى بيكى ينور

ضلمة عذابى وحـــرمانى

 

لمـّــى الفرح قبل يـــعدى

طرح السعاده إللى بيـــدى

يحلى ف صفاكى وما بيدّى

أعيد لعـــــمرى سنين تانى

 

أحلام سعيده الشوق فيها

إنتى الهنا إللى بيــــرويها

إنتى الغُنا وأحلى مــــعانى

أحلام سعيده وعجـــبانى